近排天寒地凍，好多人都鍾意打邊爐、嘆煲仔飯，甚至食蛇羹。雖然呢啲食物熱辣辣，夠晒暖身，不過食得太多，可能會熱氣架！

1. 從中醫嘅角度嚟睇，火鍋、煲仔飯係咪好燥熱嘅食物？

答:中醫角度黎講、越煮的耐或越高溫煮的食物都係比較燥熱。

2. 好多人話羊肉、蛇肉可以暖身，其實有無根據？
食得太多有咩問題？

答: 羊肉【性味】甘、溫、無毒。【歸經】入脾、腎。

【功效】補虛勞，祛寒冷，溫補氣血；益腎陽，益精血。
【主治】腎虛腰疼，陽痿精衰，形瘦怕冷，病後虛寒。
【禁忌】暑熱天或發熱病人慎食之；水腫、外感、牙痛及一切熱性病症者禁食。 　　

蛇肉-其性味甘咸平，蛇羹屬高熱量食物，能行氣活血，有暖身作用。吃蛇羹時亦會伴  以薄脆，增加吃蛇羹時的口感。

  食得太多當然容易上火出現口鼻發熱,咽痛,生痱滋

3. 除咗喉嚨痛、生飛滋，「熱氣」仲有咩徵狀？

答:中醫的熱氣有分實熱同虛熱兩種

A) 合掌瓜雪梨無花果煲瘦肉

雪梨1個、合掌瓜1個、無花果1個、南北杏各20克、瘦肉200克、清水、鹽適量。
做法：
所有材料洗淨。合掌瓜清淨，切成4件；雪梨去芯，切半。瘦肉洗淨，汆水備用。煮沸清水，把所有材料放入煲內，用大火煮20分鐘，再轉小火熬煮2小時，下鹽調味，即可飲用。


功效:清熱潤肺生津

適合飲用人士: 易咽痛，乾咳無痰、經常口乾的人

 
B) 玉竹馬蹄紅蘿蔔煲雞湯

紅蘿蔔2個、馬蹄20個、玉竹30克、蜜栆2粒、雞一隻、清水及鹽適量。

做法：

所有材料洗淨。紅蘿蔔及馬蹄去皮、切件；雞去內臟洗淨，汆水備用。煮沸清水，把所有材料放入煲內，用大火煮20分鐘，再轉小火熬煮2小時，下鹽調味，即可飲用。

 

功效: 滋陰清熱、潤燥生津

適合飲用人士: 熱氣、喉乾口渴、大便秘結、小便黃澀、口氣口臭、皮膚乾燥、周身痕癢等症狀。`

4. 除咗飲湯水滋潤吓，仲有無貼士俾大家？

答:可在打邊爐或食用煲仔飯後飲用清熱飲料 –如五花茶、銀菊露、竹庶茅根水等。或打邊爐可選擇較清潤的湯底 etc.莞茜皮蛋湯、紅蘿蔔馬蹄、西洋菜紅蘿蔔湯。




張婉蘭中醫師Facebook專頁