Lifewire將於9月17日（星期日）假香港科學園舉辦慈善跑步比賽，為病童籌募醫療經費。Lifewire特意邀請藝人梁嘉琪、湯怡、周國賢及麥子樂，擔任微電影的男女主角，藉微電影宣傳有關活動，並透過故事帶出「懷舊香港地」的主題。

Lifewire Run 「愛跑‧香港地」詳情： https://goo.gl/TbgFjy

香港，我的家
曾經，守望相助。曾經，人情味濃。
獅子山下，每段路、每一步……有着你我的點滴、載着共同的回憶。
時代推進、巨輪轉動，人人埋首於自己的跑道，卻擦不掉巷弄間的集體成長印記。
今天，就重新出發！
凝聚力量，跑過昔日香港，喚起被遺忘的同舟共濟互助精神，尋回我們熟識的香港地！

阿琪（梁嘉琪飾演）

士多太子女阿琪，性格樂觀、愛笑，心底卻自覺被困於士多，渴望向外闖卻因懼怕父親而留下。

談跑步：
自己比較少跑步，但身邊啲朋友成日話如果壓力好大、好唔開心，可以透過跑步去抒發自己，佢哋會鼓勵我一齊跑，但我成日話跑得慢會拖累佢哋，佢哋話跑咗之後會上癮，同自己打氣嘅能力同毅力都會增加。

談懷舊：
就算只係一間士多，對我嚟講已經好需要保育。我哋成日講小店好需要支持，因為除咗係歷史之外，呢啲情懷我哋需要去保存，呢個係大家凝聚力嘅中心點、係一班人共同擁有嘅回憶。

阿賢（周國賢飾演）

裝修師傅阿賢，性格沉實穩重，以照顧弟弟為己任，生活壓力雖大，卻刻意在弟弟面前營造輕鬆快樂形象，以免弟弟擔心。

談跑步：
我覺得最健康嘅減壓方法係運動，對我嚟講，最短時間減到壓就係跑步。就算我嗰日好攰，但我感覺到自己有少少沉鬱，我就會去散步和深呼吸，深呼吸都係一個好好嘅減壓方法。

談懷舊：
我覺得香港屋邨好靚，好有獨特文化氣質同氛圍，喺其他國家搵唔到。好多外國攝影或導演都會嚟香港取景，但點解香港人自己拍攝冇用番香港，下下都要去外國。

阿怡（湯 怡飾演）

阿怡本性善良，孩童時因樣貌可愛而獲得不少好處，長大後卻於工作上處處碰壁，而且因搬離屋邨，與阿賢、阿樂及阿琪的關係變得陌生。

談跑步：
我以前好唔鍾意跑步，因為我覺得好辛苦，都唔知跑來為乜，但近呢幾年我反而覺得係好放鬆嘅事，對身體好之餘，對自己情緒嘅放鬆會幫助好大。有時工作壓力嘅問題，跑完步會開心好多。

談懷舊：
細細個放學返屋企一定會落公園玩，我好鍾意玩跳飛機，宜家喺公園真係睇唔到，好有童年回憶；我細細個到宜家都好鍾意食甜嘢，特別鍾意食龍鬚糖，呢樣嘢喺香港都越嚟越少見得到。

阿樂（麥子樂飾演）

阿樂患有輕度自閉症，沉默寡言但觀人於微；阿樂喜歡跑步，因跑步能令他回憶孩童時的快樂時光。

談跑步：
我以前係好冇意志力、好容易放棄嘅人，好彩身邊有一班好朋友互相激勵 ，激勵大家為咗一個目標去跑，我覺得如果想鍛鍊意志，跑步一定係最好。

談懷舊：
電車係我從細到大最美好嘅回憶，包括同家人、女朋友，返學放學，電車係香港最緊要保留的。電車帶畀我嘅回憶係追女仔嘅一段情，隔籬學校嘅（女仔），每日搭同一時間嘅電車，最後都鼓起勇氣拎到電話，哈哈哈……

故事大綱

故事講述士多太子女阿琪、樣貌甜美的阿怡、性格沉實的阿賢及其有自閉症的阿樂，自小在同一屋邨成長，每天總是快樂地跑跑跳跳。

但四人長大後，阿琪、阿怡及阿賢分別被家庭環境、工作壓力及生活壓力，慢慢蠶食內心快樂的元素，他們亦漸漸遺忘快樂的根本。

沒料到……阿樂的一個舉動，令他們重新相聚於跑道上，亦同時喚醒他們兒時的共同回憶。

快樂……其實可以很簡單！



Lifewire Run「愛跑‧香港地」特設多個懷舊玩樂區，帶大家穿越時空，尋回那些年的共同回憶。

【打卡區】將「被消失」的香港歷史印證，化成3D及4D立體場景，恍如坐上時光機，回到昔日香港地！絕對是打卡呃like聖地！

【遊戲區】充滿舊香港特色的遊戲攤位，贏取豐富禮物的同時，重拾當年的本土情懷。絕對是一家大細的消閒好去處！

【音樂區】哪首歌陪着你成長？！傷健共融的不同樂隊及歌手組合，透過音樂，誓將氣氛推至高峰，本地原創齊齊唱！香港！Let's rock！

更多關於 Lifewire Run「愛跑‧香港地」 >> https://goo.gl/eHxq11