pgview
/CheckIfDuplicatedEmail
/Lang

「嘔血都要吞返!」
「好明白嗰種孤獨!」
「佢哋係暖男!」
「真係好幸福!」
 
時而激氣、時而窩心;自故迄今,媽媽都是史上能耐最強大的生物。
要成就現代全能媽媽,還得加上陪伴、忍耐、Be Positive(正面)......
愛美、更愛家的多元發展媽媽周家蔚,「每日都學緊嘢」mode正式啟動中。

 

 

image
 
主持飲食節目、發展美容生意,還要帶着兩兒子經常母兼父職……藝人周家蔚(Janet)近期「百足咁多爪」。行程排得密密麻麻的她,從容面對,一句「我first priority(優先次序)係屋企先」,KO所有難題,完美演繹多棲媽咪角色。
 
 
 
要約這位大忙人媽媽做訪問,難度真的達十分。「聽日要飛」、「後日拍嘢」、「囝囝未放學」、「要接奶奶機」......好不容易約成了,「下晝要開會」、「夜晚老爺嚟食飯要準備」......訪問最終只能「涉」於中段兩個多小時在她的店舖進行。「等我化個快妝先!」不消15分鐘,從飯局趕來的她,如摩打上身,極速「埋位」。
 
 
 

又幕前、又生意、又要照顧兩兒子......究竟如何拿揑平衡?好奇的小編禁不住直進問題重心。笑着的Janet輕描淡寫「就算你幾忙,都係擺小朋友喺第一!」
 


「好落手落腳嘅先生」


「天明係一個好落手落腳湊嘅先生。」Janet坦言,維繫和諧一家,全賴與天明間的相互理解,協調分工。天明不時離港工作,家中的大小事務主要由Janet 處理,「佢唔喺度我就自己一個搏殺,佢一返嚟我就on relax mode...佢自己都好踴躍,我唔使講佢已經搶着來做;我哋配合得好好。」

 

被問及是否依賴天明?Janet笑指其實自己很獨立,「佢嚟到就梗係俾機會佢啦!成日下下開Turbo,唔熄機對身體唔好。」她慶幸天明能讓她無後顧地稍作停頓回氣。
 

 


從「落手落腳」的「湊仔」過程,倆口子與兒子建立了親密的連繫,Janet不止一次的強調,「陪伴」是建立正面親子關係的最佳良方,怎忙也得爭取相處的Family Time;就算身處外地,哪怕只有一頓飯的時間,也會堅持每天透過Face Time與兒子「隔空傳情」。

 
 

灌輸價值 珍惜所有

電話鈴聲響起,兩兄弟總立即興奮衝出,「係咪爹哋呀?」縱使天明作為一家之主,肩負「責備」的威嚴崗位,而且還常不在家,但兩兄弟還是愛黏着爸爸,沒半點疏離;「其實小朋友係感覺到。」Janet又不時給兒子了解爸爸的工作,「有時天明拍戲會俾啲仔望吓,有次口腫面腫流血造型,大仔睇即刻喊;我話呢個就係佢哋嘅工作係扮嘅;但要俾佢哋知爹哋做嘢辛苦為頭家去搵錢。」
 
Janet還向他們灌輸錢銀概念,「要俾佢哋知錢個概念係點嚟。你着緊嘅衫、開水喉啲水係點樣有、開燈點解會有電...我哋用完電要熄、水又唔好嘥。唔想佢哋乜都奉旨,攤開手就有。佢哋有時會話啲嘢係好貴,我哋唔好浪費錢啦!咁當然見到玩具佢哋唔會講呢啲,但要從細灌輸。」
 
 
「佢哋每日都有好多好窩心嘅嘢,細佬天真無邪嘅笑容,哥哥好細心好sweet:「媽咪I love you,我好錫你㗎...」摸下你個頭、又錫下你個面,係暖男。」說畢笑至心心眼的Janet不諱言,兩兄弟也有令人「嘔血」之時。
image

 

「自己忍住吞血啦!」


Janet指每天教兩兄弟做功課也很費神,更曾被老師投訴「慢吞吞」。「講真係嘔血,但我忍。捱到個關口就好開心!」她奉勸家長保持平和的心:「自己忍住吞血啦!」「唔好急、唔好迫佢,唔好等佢抗拒。耐性、EQ係好緊要。做功課啫!又唔係做啲乜嘢,唔好搞到好唔開心。其實最親嘅人你就對佢最唔客氣,講句說話可以好難聽;但佢係由一張白紙開始。由佢出世到而家都捱左咁多,日日換尿片餵奶都係咁,點解做功課又要咁忟?」   
 

 

 

不少怪獸家長費盡心機,「塞爆」子女每天的行程,為子女鋪自己心目中的理想「康莊大道」。Janet不敢苟同:「嗰個係你嘅目標,唔係佢嘅目標。你要活嘅,你活自己嘅人生,唔好要佢完成你自己嘅夢想。小朋友係一個個體,佢嘅人生要俾佢自己去行;唔好咩都安排晒。」
 
「唔好比較!」Janet認為人人皆有其獨特之處,「或者佢有好多好叻嘅地方,你要觀察,你要俾時間佢。」Janet拒做虎媽,對兒子們的興趣和發展,採取「積極不干預政策」;她指快將生日的長子TJ盡得爺爺洪金寶的武術細胞真傳,年紀輕輕已展示出耍兵器的天份,媽媽承諾送雙節棍作為其生日禮物。

 

 

image

與其上心   不如放下

「樂觀正面」Janet總愛掛在口邊,但作為公眾人物,尤其面對負面新聞,是否如此容易「 take it easy」?Janet坦言初入行時曾為此哭過;初與天明拍拖時,對方甚至着她別看娛樂雜誌。日子久了,她漸漸領略到「It just a game!」作為娛樂圈中人,她明白到工作正是娛樂別人;只是諷刺的是,真相多不能成為娛樂他人的材料。
 
慶幸,她參透出行內的遊戲規則,更學懂放下。Janet聳聳肩:「冇辦法,做返好自己咪得囉,唔需要理人哋點講。」就算兒子將來接觸到這些負面新聞,她也不迴避,「 咪照事實同佢講囉,又冇乜唔俾得佢哋知。最緊要冇嘢隱瞞,亦唔需要去猜猜度度,大家一家人。」

心教身教 堅持傳承

 
即使多忙也好,Janet也堅持每星期一天到兩兒子的學校當義工,偶爾也帶同兒子當義工;除爭取陪伴他們,也體現身教。Janet憶述一次難忘體驗,2006年當選港姐後,她被安排探訪一位癌病小妹妹,對方笑容燦爛地送上親手造的禮物,護士即說:「你睇佢笑得幾開心,佢入嚟咁耐第一次笑咋!」Janet當刻強忍淚水,但最後還是忍不着躲到房內哭起來。「港姐這頭銜原來可以感染人哋。」
 
 
自此,她參與了不少慈善活動;惟她坦言遠遠不及媽媽,媽媽年紀不少,更曾中風,仍堅持每星期抽三天、每月逾廿間老人院做義工!「佢話我而家做嘅係一種福份,可積福至成家人。媽咪嗰種滿足,隔住個電話都聽到。我都好想啲仔第日做多啲義工,幫多啲人。」Janet藉此灌輸囝囝「幸福不是必然」的道理,有很多人需要幫助;而婆婆也為着他們的幸福而付出;正因為Janet媽媽的以身作則,令Janet也堅持把這價值觀傳承下去。

 

 

image

良心商人 先係成功

兒子的出現,讓她學習更多、發現更多。最近創立的天然護膚品牌,跟「愛」都有所關連。當上媽媽後,對健康更為注意;尤其她本身患有濕疹,加上近年出現不少化學添加的負面報道,令她對天然用品更為堅持。

 


 

由最初學香薰精油作自用,至其後推出產品發售,她發現了最大的得著,「原來做落先知可以幫到人!」她堅持自行調配及親身試用後才推出。「我送好多嘢俾朋友用, 我想大家用到我啲嘢係開心嘅,最多加天然精油,唔會加藥性入去。好多化妝師都話我哋其實可以賣貴啲;但我係想多啲人用到、感受到,多於我哋想賺錢。」
 
「我哋真係落足真材實料,因為就算呃到人,都呃唔到自己,做一個有良心嘅商人,先至成功,個成功就係大家嘅口碑!」她曾經歷過半夜摸黑幫兒子「換唔到片」時的「忟憎」慘況,便設計了方便父母「換片」的魔術貼BB衫。Janet希望,做生意的同時,還能以方便及幫人的心態作出發點。

image

只要每日做好自己


事業、家庭,各取得平衡,她不諱言「係好幸福、係happy family」。但她仍自覺「成功」還有段距離,「 我唔敢講成功住,每一日喺度學習緊。冇話成唔成功嘅,只要每一日做好自己要做嘅嘢囉!」

 


美貌與智慧並重,也許不只是香港小姐的口號;還當是這位全能媽媽的寫照。

爸爸媽媽穴位按摩減壓大法

 

Janet也藉此分享兩道精油調配配方助各爸媽減減壓,及應付近日肆虐的流感!

 

1. 減壓及助眠精油調配配方:

底油:可可巴油 (30ml)
然後把以下精油分別滴入底油中混和。
糯米洋甘菊油  (五滴)
薰衣草油  (五滴)
西柚油  (五滴)
以五至十滴混和後的精油,倒在掌心搓暖後按摩頭部(圖示)
 

2. 助小朋友提升抵抗力精油調配配方:

底油:玫瑰果油 (30ml)
然後把以下精油分別滴入底油中混和。
黑椒油 (五滴)
綠花百千層油 (五滴)
柑油 (五滴)
以五至十滴混和後的精油,倒在掌心搓暖後替小朋友按摩腳掌或背部脊骨位置。

 

 

採訪、撰文:梁劍紅、張航溢
編審:梁劍紅、Avy Ip
攝影: Sea.Pho.Yea
影片製作:Lifewire、陳澤朗

View Comment (0)
You must be a logged in contributor to comment.