pgview
/CheckIfDuplicatedEmail
/Lang
image
「嘩 ~ ~ 畀啲掌聲先啦 ~ ~」
雄亮獨特的語調聲線、充滿喜感的圓渾外型……
相信大家都應該「有晒畫面」。
鏡頭前,林盛斌(Bob),總令人聯想「搞笑」二字
私底下,三囡不約而同:「爸爸係偶像no.1!」
這偶像爸爸,搞笑得連大便也要開心share。
惟也配合太太黃乙頤(Pearl)的訓導主任教誨。
連坐法、營造團結、建立底線、培養創意,鼓勵互動……
也許,Happy Family的煉成,大抵由有規律的坦蕩蕩開始!


FINALLY!訪問約了一年多,突如其來的疫情,反讓這大忙人終能騰空闔家接受Lifewire訪問。人未到,已傳來奔跑及喧嘩聲,「我要玩呢架!」4隻放監般的小馬騮四處走,熱鬧非常。身後再傳來一把響亮又帶點沙啞的聲音:「探咗熱先啦!」小朋友們看見枱上的糖果,雙眼發亮,正想趨前,卻瞄了爸媽而止步。「嘩!有好多『違禁品』喎!今日准你哋食啦!」額外「放寬」的媽媽,儼如救世主般,拯救了「肌渴」的蒼生。

 

 


4個小鬼眼中的爸爸媽媽,究竟是怎樣的呢?

image

我的超能爸爸……

大女霏霏:「偶像no.1!佢係屋企嘅娛樂組主任。」
二女熹熹:「都係no.1!成日喺屋企講笑話,有時笑到急尿。」
三女機機:「爸爸係no.1!似大笨象。」……
(訪問中途,突殺出一個龐大身影:「唔好講我壞話!全部讚我嗰啲!」)
三姊妹又被哄得大笑起來。

image

我的超能媽媽……
霏霏:「會因應我哋嗰日嘅表現去演繹自己嘅性格,好似變色龍咁,因應環境去變自己嘅顏色。」
熹熹:「媽咪係一個正常人。」(註:霏霏在旁聽到反眼)
機機:「對我哋好,氹我哋開心。」

 

致:我的超能爸媽     「WE LOVE YOU,媽咪爸爸!」


囡囡偶像  便便也視像

超能爸爸Bob是主持、是演員,也是娛樂公司老闆,因工作長期早出晚歸,與子女相處機會寥寥可數。「都係咁古怪」、「成日去廁所」……三姊妹對爸爸的形容,總離不開鬼馬搞笑範疇。「我哋會好掛住囉!之前可能一個月先見一、兩次,返嚟可能見十分鐘,拎一拎嘢就走,好少真正咁見到……」「佢一有時間就facetime,盡量製造接觸機會,屙屎呀…都facetime!」

雖聚少離多,當提及爸爸,三姊妹不禁心心眼,如小粉絲見偶像,「人哋講笑呢,我哋就覺得冇乜特別;爸爸講笑呢,會笑到好癲囉!」在旁的熹熹也嘻嘻哈哈地模仿着。霏霏更視爸爸為「搞笑」的學習對象,「因為我唔識講笑話。」熹熹笑著揶揄她:「你依家咪講緊囉!」笑聲隨即又再此起彼落。

短短十數分鐘,霏霏問一答十,對答如流,伶牙俐齒,盡得爸爸口才橫溢的真傳。身旁的熹熹及機機,雖未致「牙尖嘴俐」,但面對鏡頭及小編的提問也淡定自若,機機更是天生的「表情姐」,表情多、動作也多。「遺傳咗爸爸唔會喺大眾面前好驚,爸爸就算面對幾多人都唔驚,我覺得我遺傳咗佢呢樣。」難怪霏霏如此自豪,事實上,霏霏確具「天生食呢行飯」潛質。
 



啟發創意 帶子女「犯法」

 

海量的工作,幾乎年中無休,對於子女的成長與陪伴,Bob自慚形穢,希望盡量彌補,「逢係我喺屋企,都同佢哋玩,帶佢哋去唔同地方住,放假去踩單車、游水,呢度去嗰度去,提供多啲娛樂畀佢哋。」
 
 
 

 

「我盡量趁你唔喺到時,同佢哋做啲非法嘅事!」Bob常跟太太Pearl笑說,要帶子女「放監」,「有啲嘢喺屋企唔做得嘅,唔俾食朱古力、雪糕、煎炸嘢,咁呢啲會留返爸爸放假帶佢哋出去時做,平時喺屋企媽咪會嚴啲。」Pearl 隨即緊接:「你唔知我特別留返啲機會畀你?」「我代表佢哋多謝你。」流暢而有默契地俾位對方,相信是兩公婆的「日常」。


 
Bob愛「陪玩」角色扮演,遊戲中也出現不少笑料。「大家姐二家姐細個時,會玩role play,佢係白雪公主,我做巫婆、王子、小矮人……」「因為佢成日扮王子,大家姐以為王子係公主嘅爸爸。」Pearl邊說邊笑。
 
「我見到每人攬住個啤啤,我話咩嚟㗎?佢話你個孫呀!」「咁你老公呢?我冇老公㗎!真係好正㗎!」

Bob感恩子女於遊戲中被啟發出創意;也欣賞子女主動於家中圖書閣拿書看,「三個一齊睇書,我好安慰咁樣。」

 

限制上網  「連坐」培養團結

自稱是訓導主任的Pearl,育兒自有一套,培養小朋友守規矩、自律,「小朋友自小知道底線、建立規則。」要孩子聽話就要讓她們遵守規則,更需嚴厲看待;做人、學習、飲食也如是,講求平衡。「有時我好惡,佢哋問可唔可以食糖呀?我好strict(嚴厲)咁話唔得,跟住我會解釋,你今日食咗,所以嗰啲我哋留返聽日食,或者今個禮拜邊日再食。」
 
對於「手機送飯」,Bob 耍手擰頭「無眼睇」,他大讚Pearl這方面處理恰當,「好多小朋友拎住電話或平板電腦,邊睇邊食飯,隔籬工人姐姐就喺度餵佢,我覺得完全唔掂,我係絕對唔會俾呢樣嘢發生。」Pearl從小便規定每人每日僅10至15分鐘的multimedia time,上網看看自己的社交平台或有趣資訊;而家中電視總是長期關上。
 

為凝聚姊弟間的團結力量,家中實行「連坐法」,一人犯錯連累眾人受罰。「大家姐瀨嘢,二家姐、三家姐都要陪葬。」即使是弟弟Jaye也不能倖免。「無論你係團結一齊瞞住我,定係團結一齊嚟對抗,或團結一齊唔好俾人知你哋犯事,我反而覺得呢樣嘢係重要嘅。」為免被罰,姊弟間自然互相監管約束。
   

 

彼此尊重 互不插手教導

「我諗佢哋遲啲都想趕我入老人院!」Bob雖貴為家中偶像,但也有令人「O嘴」之時。小編不下十次聽到他「吟吟沉沉」:「叉電係要喺返嗰個位㗎嘛!」喜歡家裡潔淨齊整、井然有序的Bob,絕對是一位「整齊控」,對於家中物品擺放的位置,非常講究及執著。他每天督促她們整理亂七八糟的地方,極致得連充電位置也不容隨意調動,「佢哋都話爸爸得啦好煩呀!唔好再嘈呀!」Pearl 在旁安慰:「慢慢啦!啲小朋友未咁習慣爸爸成日喺屋企。」

Bob對子女的教導,Pearl 從不插手,這是二人育兒多年,磨合出來的共識和默契,「我出聲時,佢唔出聲,佢出聲時我就唔出聲喇!」互相尊重。「兩個同時鬧佢同一樣嘢,一來覺得冇作用,二來你唔俾佢自己處理,佢下次唔會處理到。」「喺我講時你講相反嘅,一來佢唔知跟邊個、二來佢會覺得媽咪可以反對爸爸,或者爸爸會反對媽咪,其實邊個先啱?佢會好混亂,好難教。」

 

弟妹皆禮物  非枷鎖責任

訪問這天,三個小弟妹總愛跟在大家姐霏霏後面,霏霏儼如總指揮,頗具「大佬」風範,常帶領弟妹玩遊戲或看圖書。Pearl 認為家長不應要求哥哥或姐姐擔起照顧弟妹的責任,讓這身份作為枷鎖,使他們感到壓力。「生細佬妹畀佢,係我哋希望畀一份禮物佢,而唔係希望佢擔起一個家姐嘅身份。」Pearl 還會告訴霏霏,「呢一世爸爸媽媽唔會陪你到老,只有呢幾個兄弟姊妹會同你到老。」

 

 

 

 「我好多時同小朋友講,第一,你照顧自己就係幫媽咪。第二,如果你能幫手去照顧小朋友,我好多謝你,因為你幫咗媽咪。」霏霏因此與弟妹更親近,更願意主動照顧弟妹,也成了妹妹的偶像。「熹熹(二家姐)話,機機(三家姐)係大家姐照顧嘅,如果有第四個就係我照顧嘅……(弟弟Jaye還未生時)佢哋已經分配好,好似各人有一隻寵物咁。」

 
「大家姐講咩佢哋都會聽,建立咗呢個關係佢哋好識得自己去玩。」有時Bob問:「可唔可以join埋一齊呀?佢話你行開啦!」這位「陪玩」爸爸笑言已被嫌棄。

 

身兼多職  高質管理達人

Pearl經常母兼父職,回想湊囝囡由一到四的心路歷程,百般滋味,由初為人母時的驚惶失措、慢慢掌握節奏、再學懂放手,Pearl深深體會到「有啲嘢你放手俾佢,佢會成長得更好」,她坦言「成功係可以複製,到照顧第三個同第四個已經差唔多喇!」

全職媽媽24小時照顧孩子們,難免感到壓力及情緒波動,Pearl借學習分散注意力,維持對生活的熱情,「如果我變換做嘅嘢,某程度上已經係我減壓嘅方法,其實如果我唔變換咁多款工作,我真係覺得又悶又大壓力。」

晚上照顧好子女,之後便出門上堂自我增值,就連Bob都不禁讚嘆:「佢時間管理得幾好,佢可能辛苦啲,我都覺得佢幾勁!」Pearl除了是精通風水術數的玄學家外、也是塔羅師、瑞士芳療師、興趣班導師、音叉治療師等……相比Bob也不遑多讓。

 

參與慈善 盼學懂感恩

家庭、工作及個人成長上所擁有的,Bob都以感恩的心去面對。人大了,智慧長了。近年,他領悟生命最大的意義就是Giving(付出),雖然疫情令工作銳減,但正好給性子急的他一個學懂慢活的假期,實踐生命意義的機會。

疫情下,他與Pearl 開拓新生意,扣除成本後將部份收益捐往慈善機構,買飯券贈有需要人士。他也盼藉此讓子女有所體會。「我希望佢哋明白有好多生活上比我哋困苦嘅人,明白到我哋屋企環境都算舒適,你生活都過得唔錯,希望會學識感恩。」

 

早前Bob 舉家到深水埗派飯,並教導子女捐出部份利是錢幫助有需要的人。「以前我自己(捐錢)入慈善箱,或開張支票畀慈善團體,今次我就帶埋佢哋去明哥度買飯券,明哥講解啲飯畀邊啲基層人士、畀啲公公婆婆,佢哋都有問點解要買啲飯劵嘅?點樣用嘅?明哥好好解釋畀佢哋聽,我覺得好簡單咁上咗好寶貴嘅一課。」二人慨嘆香港生活不容易,只盼子女能當個正直、有良心的人,做些對世界好的事,每天都過得有意義。

 

寄予病童  別放棄!永不輸!

做過多年訪問節目(包括電台及電視),Bob 亦曾接觸過罕見病患者,自有一番體會,「係好需要話畀人知,佢哋有咩需要,經歷咩困難!我覺得你哋平台成立嘅意義好好,總會接觸到唔同層面嘅人,如果訪問可以inspire到一個人,令佢肯伸出少少援手,咁個世界好美好喇!」

 

 

 

Bob 及Pearl更為病童與其家長打氣,「千祈唔好放棄,只要你唔放棄,你永遠都唔會輸。加油!」

 

 

Pearl早前因傷而臥床一星期,即使去洗手間亦困難重重,她別有一番體會。她笑說:「呢個困難除咗坐月嘅時候有體驗過之外,我其實冇面對過類似嘅困難,所以,原來有時啲好微細嘅地方自己覺得好必然,但對於一啲有需要嘅人係好難達到。」

一家六口  角色分析

爸爸林盛斌(Bob)
隱藏身份:娛樂組主任
必殺技:大笨象般龐大、超攪笑、有急才、啟發創意思維


媽媽黃乙頤(Pearl)
隱藏身份:訓導主任
必殺技:變色龍變幻無窮、建立底線及家規、母兼父職


聯手必殺技:管教一嚴一鬆、絕不同時唱雙簧

大家姐林霏兒 (Faye) - 12歲  
性格技能:口才了得、有創意、眾人面前不怯場
 
二家姐林熹兒 (Haye) – 8歲 
性格技能:樂天、甜姐兒、跳舞能手
 
三家姐林機兒 (Kaye) – 6歲 
性格技能:天生「表情姐」、鏡頭pose 王
 
弟弟林道申(Jaye) – 3歲 
性格技能:超萌寵物、「得意到死」、萬千寵愛集一身

 


 

採訪、撰文:李楚瑩、梁劍紅
編審:梁劍紅、Avy Ip
拍攝:Sea.Pho.Yea、Ken Mok
影片製作:Lifewire、Ken Mok
場地鳴謝:Speedway Diner

 

 

其他封面故事

姜皓文與殷寧 成就簡單歡樂人生

林子博一家 正能量 誓戰罕見癌

非常後母 楊卓娜   一家互窒 好享受

 

罕見病個案

全港唯一罕病 抽搐無間的「植物」男孩 - 「琥珀酸半醛脱氫酶缺乏症」

全球僅兩宗 罕病小姊弟 以笑抗逆

脊髓肌肉萎縮女孩 越過生死線 盼做女作家

 

 

跟Bob一家齊齊支持Lifewire,捐款助罕見病病童!

$100港元或以上的捐款可申請免稅,如欲索取捐款收據,請按此下載「申請捐款收據」表格,填妥後並連同銀行入數紙副本或支票,電郵至 info@lifewire.hk 或寄回本會。

 

 

View Comment (0)
You must be a logged in contributor to comment.
下載護聯網消息