为咗帮助病患嘅儿童，俊和发展集团嘅一班澳门同事，喺25/7(星期六)上午为Lifewire发起筹募活动，筹得善款港币12,780元。受惠机构之一系嚟自i-Action【一行动】嘅筹募个案 - 「被遗忘…麻疯病康復村」
筹募个案 - 「被遗忘…麻疯病康復村」去片
澳门同事同小编讲，出发嗰阵天气成30几度非常翳焗，之后仲落毛毛雨，但无阻佢哋做善事嘅热诚 。当日有22人出席，佢哋全部系嚟自唔同地盘同写字楼，包括澳门分部写字楼、澳门国际机场 - 新机库工程、凼仔新濠影匯工程、凼仔新濠天地 - 酒店C商场扩建工程，同埋澳门浸信会教堂 - 第一期清折及修补工程。
由发起活动到计划行程，都只系用咗2个星期，效率相当高 ！
活动由朝早9点开始至晏昼12点，路线有4条：
路线1：澳门机场 - 新濠天地
路线2：新濠天地及新濠影匯
路线3：澳门机场 - 新濠天地 - 新濠影匯
路线4：澳门机场 - 新濠天地 - 新濠影匯 - 君怡酒店
活动发起人之一Molly笑笑口咁话：「呢次系佢哋第一次发起澳门唔同地盘、同埋写字楼同事一齐参加慈善活动，过程中，除咗帮到病童之外；另一个意外收获系识咗其他部门同事。因为好多时我哋都系电话倾公事，从来无见过对方，但因为呢次步筹，我哋大家有机会『相认』，仲可以一齐去唔同地盘，大家认识都深咗，对第日合作好有帮助。」
威尼斯人酒店
话时话，点解会拣为Lifewire筹款？Molly就话：「Lifewire畀我哋直接拣想帮嘅筹募个案，捐款过程简单直接，唔太繁复，佢哋收到善款，好快就转畀受惠机构手中，令病童好快得到帮助！」
见到大家咁踊跃发起筹募活动，您都心郁想玩埋一份？！
方法好简单，快啲入会加入Lifewire，除咗捐钱之外，仲可以自创筹募活动帮助病童。
仲有，记得喺Facebook "Share"同埋"Like" Lifewire (https://www.facebook.com/lifewirehk)！
