點解坊間成日都話要生熟薏米一齊煲？中醫認唔認同？

薏米藥名薏苡仁，味甘、淡，性微寒。歸脾、胃、肺經。有利水滲濕、祛濕除痹、健脾止瀉、清熱排膿的功效。生薏苡仁清熱利水祛濕，消腫排膿較強；熟薏苡仁經炒熟作用溫和，以健脾止瀉為主、祛濕力較弱。坊間煲湯時生、熟同用，兼取兩者長處、性質較溫和 。

有啲人薏米水當開水飲，一日飲幾杯，咁又得唔得呢？

 如果你係屬如濕熱或脾虛濕困既症狀人士，容易水腫、身重、有濕疹、正值春夏潮濕既天氣，係可以當水飲、薏米水仲有美白護膚既功效。如果體質偏寒涼、易手腳冰冷、夜尿多、就要小心，唔好飲咁多。

薏米係咪配樣樣食材都得？有無咩係唔配得？

薏米有清熱祛濕作用、一年四季飲用都無問題，基本上配大部份食材都無問題。但薏米性質偏涼、有利水作用。如果我地想湯水清熱祛濕、咁我地就唔會將性質屬熱性既藥材一起放(例如高麗蔘等)、以免減少薏米清熱既功效。

有無人唔啱飲薏米水？

因為薏米性質偏寒,滑利、故便秘者、體質虛寒、行經婦女及孕婦忌用。

坊間有種叫洋薏米添喎！係咪都可以祛濕架？

洋薏米，又叫珍珠麥，其實是磨去穀皮的大麥，所以並無祛濕清熱的功效。但可以健脾和胃、回乳，主要治療腹脹、食滯。

不如介紹下啲可以用薏米煲嘅湯水？

【土茯苓薏仁祛濕湯】

用料：土茯苓5錢、生熟薏仁各5錢、淮山5錢、陳皮1片、栗米1條、甘荀1條、豬瘦肉250克。

做法：先將豬肉汆水，連同其他藥材，用文火煲2小時便可。

功效：清熱解毒利濕，利水消腫。

【洋薏米蓮子百合甜湯】

用料：綠豆、洋薏米各1兩、蓮子5錢、百合3錢、冰糖少量

做法: 將材料浸洗,洋薏米先浸1小時，用10碗水煮約1.5小時後加入片糖煮溶即成.

功效:清熱健胃、清心安