「超级奶爸」，成为家长界近期的热话，艺人何基佑（Kay）以育儿课程导师身分，于真人骚节目《超级奶爸》以「不打不闹」的正向方法，协助家长纠正子女的不当正为。

不过，所谓「能医不自医」，Kay在教导他人之同时，面对2岁半的儿子，又能否狠下心肠，恩威并施地管教呢？ 

不心软 管教要坚定

「我系一个好严嘅爸爸。」Kay所言非虚，即使面对着萌萌的「清义哥」，他也绝不「手软」，「畀咗指定时间食饭，食唔晒，畀多个机会你都唔食，我就倒」、「叫佢企定定食下午茶，佢一行开，我就倒」、「新玩具玩咗唔够8个钟，贪得意放落垃圾桶，我就抽起垃圾桶丢出街」
 
Kay认为「不心软」才可令小孩自律、建立正面行为，让他们知道甚么是适切的后果，「小朋友『赖皮』唔食饭坐一、两个钟，你同佢『磨』，咁唔得嘅……没收佢嗰餐有乜嘢问题？佢唔食呢餐会唔会死？！」

他笃定小孩若感到肚饿，下一餐便会乖乖吃饭，即使孩子哭得死去活来，只要父母够坚定，不屈服于小孩哭闹之下，管教孩子自然事半功倍。

做得到 更要做得好

他坦言，这种「不打不闹」的育儿方式既正面且有效，节目中的小孩都能「改邪归正」，暂未有失败的个案，但他认为成功分好多种，「小朋友由『做得到』去到『做得好』，系要好长时间，好多时停留喺小朋友『做得到』，已经好满足，但我永远想佢『做得好』」。

有得拣 咁至系自由

然而，管教方法规条重重、限制多多，难免令人觉得小孩的自由被剥削，令他们喘不过气来。Kay却不认同，强调有规条才有自由，小朋友「有自由去拣」，「你有30分钟食饭，食唔晒就收嘢。我哋畀佢拣，佢拣咗唔食，唔紧要，之后佢肚饿，然后就觉得头先儍咗，第二日就会醒目，呢个先系最自由」。

「又例如我哋话玩嘅时候要礼让要温柔，唔可以打人，呢个都唔系乜嘢规条，但我哋畀佢拣，畀佢打人，但打人会有个后果，就系没得玩，甚至要离开。」假若唠叨、催促也是徒然，大可给孩子自由选择，但一切后果自负。

不过，Kay提到有家长在教育儿女方面往往表现心急，期望短时间内处理很多不当行为，「小朋友食饭食咗半个钟，又要人餵，又唔肯试其他新嘅食物。其实呢度系三样嘢、三个问题，你想搞边样先？」他建议家长宜作取捨，先处理最想孩子改善的一环，由浅至深，对孩子作出简单且明确的指令。

打与闹 破坏亲密感

「棒下出孝子」、「不打不成器」乃中国传统教育观念，惟Kay坦言体罚只带来短暂效果，绝不鼓励家长使用，「打永远都系单向，边个大力、边个大声，就边个话事，系由父母主导，小朋友基本上没say。小朋友会觉得你打佢唔系因为佢做错，而系你愤怒」。

一出手随时留恨，因为打骂过后，子女对父母信任全失，「亲密感需要好长时间建立，但可以好快被破坏」。

忙到死 都要陪仔女

集主持、司仪、歌手、演员于一身的Kay「百足咁多爪」，但他却活用每一个亲子时间，「九成半时间我都送到佢返学、接到佢放学。都几紧要，特别系放学，你可以第一手资料知道佢今日发生乜嘢事、开唔开心，有没啲嘢好难忘，见到佢个反应。小朋友会好开心，有爸爸妈妈接放学，佢会好满足」。

工作不定时的Kay，每个早上都会陪清义哥食早餐，看3至4本书和玩耍；他明白到时下父母工作忙碌兼工时长，「但我鼓励佢哋放工点都抽少少时间，睇本书、瞓觉前讲个故事，玩15分钟」。因为伴读及亲子活动，可有效促进彼此关系。

Kay特别提到「睇绘本」的益处，「绘本嘅特色系多图少字，故事显浅但讲到复杂嘅道理。每日尽量睇3、4本，可以建立亲密感，又可以认字，或者提升佢嘅自理能力」。
 

齐管教 勿分软或硬

《超级奶爸》演活HOPE-20

打韆鞦 瀡滑梯 好处多？

勤有功，戏无益？其实带小朋友到公园或游乐场玩的好处多得很！Kay指出「玩」有助小朋友感觉统合及肌肉的发展，甚至感官上的刺激，「好似打韆鞦、瀡滑梯，对于佢身边嘅事物、空间感嘅反应、发展，都有好正面嘅帮助」。如父母愿意参与其中，更能建立亲密感。

而且小朋友在公园能接触到其他小朋友，能让他们互动、沟通，会慢慢产生一些规律和秩序，甚至令从他们在碰撞中学懂处理冲突。

儿子大过天？夫妻相爱紧要啲！

Kay一家三口相处融洽，秘诀是「夫妻要相爱」。Kay认为夫妻相爱才能为小朋友竖立榜样，让孩子觉得这个家稳定、安全。而孩子绝非家庭的中心，「唔系小朋友一出世就摆晒注意力喺佢度，然后唔理对方，因为小朋友会大，会离开自己，最尾剩番你同你嘅另一半，嗰段路你系要再走落去」。

管教攻略

神奇宝贝档案                                              

名字：何清义（清义哥）
属性：性急
技能：不厌其烦系咁chur
必杀技：「我要呢个我要呢个」loop100次
Kay应对绝招：故意忽视──「我好忍得你喊，我没所谓，总之我点样都唔会畀你。」

採访及撰文：梁剑红、莫雅瑜
编审：梁剑红、王煜棋
硬照摄影：Cory Cheung
影片制作：Lifewire、Sam Chan、Cory Cheung

*《超级奶爸》由慈慧幼苗出品，ViuTV制作