「我好多时同小朋友讲，第一，你照顾自己就系帮妈咪。第二，如果你能帮手去照顾小朋友，我好多谢你，因为你帮咗妈咪。」霏霏因此与弟妹更亲近，更愿意主动照顾弟妹，也成了妹妹的偶像。「熹熹(二家姐)话，机机(三家姐)系大家姐照顾嘅，如果有第四个就系我照顾嘅……（弟弟Jaye还未生时）佢哋已经分配好，好似各人有一只宠物咁。」

 
「大家姐讲咩佢哋都会听，建立咗呢个关系佢哋好识得自己去玩。」有时Bob问：「可唔可以join埋一齐呀？佢话你行开啦！」这位「陪玩」爸爸笑言已被嫌弃。

身兼多职  高质管理达人

Pearl经常母兼父职，回想凑囝囡由一到四的心路歷程，百般滋味，由初为人母时的惊惶失措、慢慢掌握节奏、再学懂放手，Pearl深深体会到「有啲嘢你放手俾佢，佢会成长得更好」，她坦言「成功系可以复制，到照顾第三个同第四个已经差唔多喇！」

全职妈妈24小时照顾孩子们，难免感到压力及情绪波动，Pearl借学习分散注意力，维持对生活的热情，「如果我变换做嘅嘢，某程度上已经系我减压嘅方法，其实如果我唔变换咁多款工作，我真系觉得又闷又大压力。」

晚上照顾好子女，之后便出门上堂自我增值，就连Bob都不禁赞嘆：「佢时间管理得几好，佢可能辛苦啲，我都觉得佢几劲！」Pearl除了是精通风水术数的玄学家外、也是塔罗师、瑞士芳疗师、兴趣班导师、音叉治疗师等……相比Bob也不遑多让。

参与慈善 盼学懂感恩

家庭、工作及个人成长上所拥有的，Bob都以感恩的心去面对。人大了，智慧长了。近年，他领悟生命最大的意义就是Giving(付出)，虽然疫情令工作锐减，但正好给性子急的他一个学懂慢活的假期，实践生命意义的机会。

疫情下，他与Pearl 开拓新生意，扣除成本后将部份收益捐往慈善机构，买饭券赠有需要人士。他也盼藉此让子女有所体会。「我希望佢哋明白有好多生活上比我哋困苦嘅人，明白到我哋屋企环境都算舒适，你生活都过得唔错，希望会学识感恩。」

早前Bob 举家到深水埗派饭，并教导子女捐出部份利是钱帮助有需要的人。「以前我自己（捐钱）入慈善箱，或开张支票畀慈善团体，今次我就带埋佢哋去明哥度买饭券，明哥讲解啲饭畀边啲基层人士、畀啲公公婆婆，佢哋都有问点解要买啲饭劵嘅？点样用嘅？明哥好好解释畀佢哋听，我觉得好简单咁上咗好宝贵嘅一课。」二人慨嘆香港生活不容易，只盼子女能当个正直、有良心的人，做些对世界好的事，每天都过得有意义。

寄予病童  别放弃！永不输！

做过多年访问节目（包括电台及电视），Bob 亦曾接触过罕见病患者，自有一番体会，「系好需要话畀人知，佢哋有咩需要，经歷咩困难！我觉得你哋平台成立嘅意义好好，总会接触到唔同层面嘅人，如果访问可以inspire到一个人，令佢肯伸出少少援手，咁个世界好美好喇！」

Bob 及Pearl更为病童与其家长打气，「千祈唔好放弃，只要你唔放弃，你永远都唔会输。加油！」