苏浩才Sammy@Kolor 跑120K沙漠的Band佬

摇滚+跑步=苏浩才Sammy@Kolor

Issue 28 Dec 2023

陷抑郁两年看不见尽头

读过罕病童的故事，Sammy 对困在疾病中的苦，有深刻体会。「依家谂返起，当时其实好辛苦。我食了两年药，好似……系咪永远都系咁嘅呢？会唔会好返呢？」

从「围城」跑到马拉松，跑到沙漠，转捩点正如Sammy 所说，「不少人开始跑步都是因为健康问题」，他也不例外。「身体唔好、情绪病，你谂到嘅系人哋唔开心或者好低落，但其实唔系，情绪病系好physical嘅嘢，你会心跳好快、会panic attack （焦虑突袭）、有啲人会心脏病。」Sammy弹着ukulele，回忆着十多年前的情况。

身为过来人的太太Candy卢巧音，劝身陷情绪黑洞的他去求医，「医生同我倾好多我嘅经歴，去挖你心入面啲问题出嚟，我慢慢发现，『咦！原来呢个病系有人帮得到嘅』。」他坦言当时令他最不开心的是际遇、对事业的焦虑。「加上又烟又酒，日夜颠倒，接触嘅世界可能都系同一班人，大家都好负面。」

秘密忌见光最怕阴影放大 --《海底隧道》

身体内的忧郁解药：安多酚

面对事业的迷惘，医生开启他的新想法，「如果做音乐做得辛苦，你咪试吓唔好净系对住呢啲嘢」、「不如你试吓做运动，因为会分泌安多酚，令你开心啲」。「我就试吓pick up运动，觉得要做自己觉得最辛苦嗰样嘢，就迫咗自己拣最唔钟意嘅跑步。」

他以自身经歷证明，情况一定会变好。「面对（病情）系难过放弃嘅。跑步绝对系解药，好多嘢嘅解药。我谂……就算呢个世界乜都没，得番跑步都OK嘅。我好多谢个天畀机会我接触到呢样嘢。」

当天没遇上今天情形会是哪样 -- 《无双》

由当年Kolor成员一起开始做运动，至今跑了11年。起初运动场一个圈也跑不完，「点解自己咁废嘅？旁边啲小朋友、阿婆阿公都快过你。我觉得好唔掂喎，要做啲嘢。」「的」起心肝练习，一个月后便可一口气跑五公里。

「我觉得好神奇，原来跑步系咁嘅，好似突然间你会得嘅，咁我嗰阵时开始认真跑。」

初尝10公里赛：跑完想死

有贊助商邀请他参加10公里跑，「我觉得：都好喎，又唔驶自己买鞋买衫，又再有多啲动力跑。」于是无师自通地苦练完成比赛。

「跑得好辛苦，跑完想死。但我从来无嗰个感觉：好似就嚟晕低，但都没放弃，坚持去完成，嗰个满足感好大，咁就开始上瘾。」

从跑步领悟跳出舒适圈

如果要用一首歌形容跑步，Sammy会选择英国摇滚乐队Queen的《We Will Rock You》—两者同样简单、不复杂，却隐藏了一种推动力。另一个推动力便是「人」，眼见太太Candy跑了大约一年，跟教练练习个多月便成功挑战全马，启发他挑战更长距离。「佢少少夹硬来，但佢又跑到喎」，「原来系你要够癫够open先得嘅，野心原来要好强。」

加上遇上一些跑得之人，刺激他要跳出舒适圈挑战自己。「唔止跑步，我觉得对我生活态度，或者待人接物、做音乐，都系一个好好嘅训练。」

第一个马拉松：抽晒筋

「我觉得10K呢，系人人都跑到，行都行得到。半马就开始唔可以靠天才喇，全马根本系设计出嚟，畀你唔能够完成。你若要完成，就一定要经过训练。」

「第一个马拉松就系去纽约跑，好辛苦，廿几公里开始已经抽晒筋，我捱到终点，但系现场好好气氛。」

疫情期间他更开始跑山，与一班跑友数度完成「逆走100」(逆走麦理浩径100公里的越野山赛)。「第一次跑完，好似俾人打咗一身咁，我第二三日都喐唔到。但人系好鬼犯贱，你越唔舒服，你就觉得越正喎。第二日瞓醒就开始喺group度问：下次玩咩呀？」

这班跑友来自各行各业，有政府工，有工程师，有医生。大家起初都是不问出处只管跑，熟络后才知大家职业。他感谢跑步让他结识这班率真的朋友一起疯狂。

两年前，他用跑步把更多人连结--和教练朋友「世界越野锦标赛亚洲第一」「阿歹」（谢觉伟）成立跑会，希望令不想跑的人，也提起双腿。跑会名字取自梁栢坚差不多10年前替Kolor写的一首歌--「顽张」（加油）。

顽张再加率性别静候别认命 -- 《顽张》

成立《顽张》「咦！你姓张㗎？」

「好多人问过我『顽张』系咩，有啲阿姐见到我件衫（顽张）呢，『咦！你姓张㗎？』。」顽张每周在深水埗运动场开跑，他自言自己做交际PR。「我负责叫人来，有些人说想来打卡，我话：得！你跑完就可以打卡。你唔跑就唔打卡。」由起初四五人，慢慢累积至百余人，更组团到海外参赛。

「嚟得顽张跑，佢哋九成以前都系唔跑嘅。」有逾200磅的「肥哥哥」，现在锻练至百余磅，也有曾经中风的病人。「佢哋觉得：喂，我应该跑唔到㗎喇。我话：你落嚟行啦。行行吓，佢又变咗跑。」

「跑步呢样嘢好神奇，当你自己一个人嘅时候，可能你唔会跑。但当有一班人喺度跑呢，只要旁边的人唔停，你都唔会停，好羊群。」

结果那九成人，现在有些跑全马、跑半马、跑越野。有人更可在3 小时内完成全马。「我觉得好神奇，原来有啲人嘅才华没发掘过，但无端端就喺一个跑会里掘咗佢出嚟。」他不住边点头边说：「我觉得：嗯，我应该系做啱咗啲嘢。」

跑步与音乐互补空虚

访问的这天，Kolor刚完成了3场演唱会，大量的精神体力消耗后，别人可能选择休息一下，但他翌日便又再穿上跑鞋继续跑。「对我嚟讲，玩得多音乐，去做运动都系一种休息，互补空虚。你可以话系心理上嘅平衡。」

与队友跑步的得着，除了看得见的结实肌肉、不断破PB(个人最佳成绩）；还被听得见：歌迷在讨论区大赞唱歌「劲好气」、「唱live无得输」。

「我发现好多跑步嘅特质，其实同做音乐一样」。「就好似弹结他，开头练习时，有啲人话：手起茧，好痛好辛苦。你一定要经歷咗呢样嘢，先至会enjoy到玩乐器嗰个满足感」。「你要不停强迫自己去做一样自己唔想做嘅嘢，呢一种系训练。」

没有伤损怎发育健全从未伤风怎懂得取暖--《生于忧患》

将摇滚结合跑步

跑步与音乐，不是争夺他精神和时间的对立；而是相辅相承的共存。「我以前创作可能系『吽』在studio里，对住电脑迫自己谂歌。往往想出来的都是堆砌嘅嘢。」

「依家我好多歌都系跑步时谂，因为跑步系最没嘢做。当我跑步时有个beat，例如《海底隧道》可能喺呢个beat度谂出嚟。」

「啱啱演唱会我要记30几只歌嘅歌词，咁我咪一路跑一路记歌词，一路唱，咁我又练埋气。」

有些人每天要睡8小时；有些人每天要吃四餐；他则每天都要跑10公里。「我忙嘅时候就唔搭车，譬如要去商台做访问，我做完就跑返studio。悭番时间，唔使特登抽两个钟出去跑步。如果嗰日唔跑，我就抑郁㗎喇。」

挑战120公里沙漠跑

今年11月，他到约旦参加HMDS超级马拉松赛事，孭着装备在沙漠跑120公里。赛前三个月，他都在中午孭着七公斤跑沙滩训练，又增加20公里以上的长课。出发前，他自弹自唱了《围城》送给罕病童，希望给大家坚持下去的信心：「每一个人都有生存喺地球上嘅天赋，好好利用佢，好好利用喺呢个世界上嘅时间，去完成一啲你想完成嘅事，人生咁就好富足，其实我哋全部人都系咁样。」

过去了你那一双手还有每晚每天的奋斗汗血盛载这风光的背后 --《围城》