4月4日儿童节，许多小朋友都期待着收礼物；然而，有几位长期病患孩子，却趁这日子，拖着艺人河国荣哥哥逛街市，为的是亲手炮制礼物，报答父母。
梓键、晓进、静娴、皓翔，他们有的坐轮椅、有的行动不便；但，为感激父母长年累月的悉心照料，身体上的缺陷，都阻碍不了他们的决心，齐齐「落手落脚煮大餐」回馈爸妈！
《河+细路煮饭仔》，Go！Go！Go！
当曾自称「最叻系煮即食面」的「真‧香港人」河国荣，遇上几乎未曾入厨的病童时，会产生甚么化学作用？任务展开前，河国荣先来一个「gag」跟大家混熟，「我最叻系煮白饭同煎蛋」，患嵴柱侧弯的皓翔不甘示弱，「我识鸡蛋炒饭」！患杜兴氏肌肉营养不良症的梓键、及黏多醣症4型患者晓进则不慌不忙的仔细部署。
「我要抛镬！」活跃的皓翔拿起枱上的「煎pan型」食物盘表演，为晚上的《煮饭仔》预演其拿手绝技。
河+细路 齐齐买餸
经过约一小时的「会议」，……「大家ready未？」「出发！」河国荣随即与病童「转战」启田街市，不过「静静覆诊未到，我哋帮佢买嘢，好没？」「好！」
不消45分钟，番茄、大虾、意大利粉、鸡蛋等食材已成为这班「煮角」的囊中物，多个环保袋装得满满。静静亦在购买食材尾声时出现，四位「小煮角」终于齐人──《河+细路煮饭仔》正式开始！
四个细路六碟佳餚
「睇下大家整乜嘢食先？！」
皓翔：「第一款系意大利面，加啲番茄同葱；第二款系粟米炒猪肉。」
梓键：「我煮茄汁炒蛋大虾。」（编按：最终变成番茄炒蛋及煎虾碌。）
晓进：「餐蛋米线。」
静静：「我整面，有鸡蛋、肠仔同菜。」
「小煮角」的「温暖牌」
「国荣哥哥，可唔可以帮我哋洗嘢？」面对四位「小煮角」的请求，河国荣有求必应，一时洗菜一时切葱，见梓键切番茄更忍不住出手，「手指唔啱呀，你咁样摆咪会切到自己手指」。
备料完成，开炉喇！皓翔、梓键率先上阵，煎虾、炒番茄、煮意粉……俨如「天生食呢行饭」，河国荣则从旁提点，初次合作已相当合拍。
未几，到晓进及静静大显身手。晓进双手虽已变形乏力，但无阻他煎蛋煎午餐肉，为妈妈送上「温暖牌」米线；静静更俨如「女厨神」，从容不迫地完成为爸爸预备的肠蛋菜面。
「有边个唔系100分？！」
扰扰攘攘3小时，「感恩大餐」终于出炉……爸妈们都一脸满足，「好味、好食」之声不绝于耳，梓键则紧张追问国荣哥哥，他的煎虾碌值几多分？
「你啲虾没搣壳喎，不过有壳好睇啲。」
「有壳可以锁住啲味嘛！」
「边个教你？」
「一入厨基本就要识。」
河国荣：「有边个唔系100分？！全部有心，又整得好食。」诚然，四位「小煮角」的厨艺及心意尽收父母眼底，甜酸苦辣也尽在不言中。《河+细路煮饭仔》也在幸福温暖氛围中宣佈圆满结束……
「系无厘头嘅惩罚」
第一次跟罕见病童相处半天，河国荣坦言感受甚深，「你畀时间同佢哋倾偈，你会睇到；佢哋啲困难好多系解决唔到，但佢哋嘅思想同个脑系正常，对嗰个人系好辛苦」。
「佢哋有少少似我爸爸。」河国荣想起患柏金逊症的父亲，思想虽正常，但身体及肌肉却一直萎缩，「沟通唔到，因为讲唔到、食唔到、行唔到，身体好似出卖咗你自己，系极之辛苦。会越来越差，我觉得系一种折磨，我觉得好唔fair（公平）」。
「最辛苦系佢几十年来，唔会有半个钟休息或偷懒，做惯咗，佢一生都系咁勤力，唔会嘥一分钟，跟住柏金逊出现，佢做唔番以前嗰个咁勤力、咁精神嘅人，好似一种惩罚，但系一种无厘头嘅惩罚。」想起父亲，河国荣不住感概。
我好自私 唔可以走
爸爸虽患顽疾，河国荣却承认暂没返澳洲长伴老父的想法，「有啲人话你差啲死咗，你就会珍惜生命；都唔一定嘅，始终人系好难转变，你惯咗咁嘅生活、咁嘅做法，就算有乜嘢大件事未必会变。我好自私，我喺香港仲有嘢要做，唔可以喺呢个时候走」。
话虽如此，但多了沟通却是事实，「尽量每星期倾一次视像电话，佢哋想见你嘛。尽量安排……坐飞机返去，见下佢哋，因为父母最重要系见到你」。纵使分隔多远，他还是爸妈「肚里面条虫」，深知父母所需所想。
「有今日就享受今日」
或许，父亲的病令河国荣体会到「得快乐时且快乐」的道理，尤其罕见病童一般寿命有限，「如果你医唔到但时间有限，咁点好？你有两个选择，一个系伤心生活落去，一个系尽量开心生活落去，你有今日就享受今日，你有听日就享受听日。有啲人可能觉得难听」。
他并非「讲风凉话」，他家中的年迈病狗，令他感慨良多，「我有只狗狗17岁，行唔到路，你享受同佢一齐嘅时间，尽量去开心生活，没其他选择，你唔开心、伤心，对全家人都没好处」。
「好似我哋啲狗狗，医生都讲quality of life（生活质素），你畀佢开心食到佢想食嘅嘢、开心玩到佢想玩嘅嘢，佢个生命可能短少少，但系开心嘅，人都系一样。」
港人太忙 关心太少
病童心态固然重要，但政府对罕病童的支援是否足够，让他们像一般人一样去追梦呢？「呢个问题系炸弹。」不过河国荣随即化身「拆弹专家」，以养狗为例解答这难题，「一只狗背嵴出问题要做手术，讲紧8万、10万，做完之后佢行得番，剩番两三年命可以同佢开心；但嗰8万蚊畀20只喺狗场生活嘅狗狗，资助佢哋嘅食粮、租金。一只狗狗嘅支出等于20只狗狗嘅支出，系感情嘅问题」。
不过他认同解铃还须繫铃人，「要鼓励政府去资助呢批人，同埋快啲批准药物可以入香港，畀到呢啲小朋友。始终呢啲少见嘅病，你畀心机去帮佢去医佢，会发现新嘅嘢关于人嘅结构，对人类将来都有帮助」。
政府的决策我们无法改变，但能否教育大众呢？「好难，佢哋太忙，要搵食。你只可以同呢啲小朋友多啲宣传，等大家知道有啲系绝症，就算唔系绝症，生活都好辛苦。有药物可以帮佢，不过好贵」。
另类打气吁「珍惜」
面对病患朋友，我们常以「明天会更好」、「支持你呀」作勉励，看似能带来鼓舞，但河国荣却不甚认同，「你喺嗰个情况里面，同人哋喺旁边睇住你，系两件事。你日日对住嗰个问题、嗰个病，24小时对住嗰样嘢，唔同㗎」。
所以他以另一种心情为病童打气，「你哋个个都好特别，个个都有自己嘅特色，个个都系非常nice，大家要珍惜对方，珍惜一齐嘅生活，最紧要嘅系，你可以开心嘅话，一定要尽量开心，畀心机！」
真‧香港人 真‧爱唱歌
「我嚟咗香港31年，未试过有1秒考虑走。解释唔到，我钟意香港，我家在香港嘛！」这段在港的日子，河国荣最令人印象深刻的，莫过于他在电视剧中的的警司或神父形象。
《亚视永恆》续歌唱梦
正当河国荣准备放弃，决定「封咪」时，「突然有人问我可唔可以唱《亚视永恆》，世界唔畀我停，呢个系运气」。一首网络改篇歌，延续了河国荣的「歌唱梦」。
由《亚视永恆》唱到《真‧香港地》，台上的他表现镇定、从容不迫，但有谁知道他内心的恐惧呢？「之前因为健康问题，喺台上唱歌会好紧张、会有恐惧症。恐惧系恶性循环，你记得上一次惊，今次都会惊……我试过食药，减低个紧张性，食少少，慢慢唔记得咗惊嗰个感觉」。
唱歌甩嘴要原谅自己
《真‧香港地》连香港人都觉得「绕口」，究竟「鬼佬Rap广东歌」是如何练成呢？「记得唱《亚视永恆》嗰晚，3,000个观众喺度欢唿，好开心；唱《真‧香港地》系没时间睇歌词，太快，嗰晚真系畀心机去洗脑。」
河国荣认为只要尽力做，即使演唱时「甩嘴」也问心无愧，「我试过接咗个job，甩字甩咗三次四次，惟有原谅自己，笑住尽量唱落去，你尽咗力。如果你两三个星期唔学唔练，跟住你失败，咁系你嘅事。如果你尽咗力去学去练，而你都系甩字，你接受啦，你尽咗力」。
病魔缠身 乐观打胜仗
「我系乐观嘅，有时会有啲失落，都会有少少绝望，但大致上都系乐观。」乐观，或许是河国荣勇抗病魔的灵丹妙药！
近10年，河国荣差不多每日都在「打仗」，抑郁症、右耳基底细胞癌及胃酸倒流等……但顽强的意志，加上乐观嘅心态，让他每场仗总能凯旋而归。
不过他提到，胃酸倒流一度影响他的声线，「胃酸倒流系你瞓觉时，胃酸上嚟通宵浸住你声带，你瞓醒嗰阵声带系肿咗，唱歌会沙声，同埋会走音。你好钟意唱歌，同埋你有你嘅标准，呢样嘢系好难接受」。
至于抑郁症，更加困扰他长达七年，「当时写紧电脑程式，每日写10几个钟，每日瞓3个钟，持续咗4个月，身体就反抗、负荷唔到，所以荷尔蒙失调」。他最终选择不靠药物，透过调节及休息，令荷尔蒙逐步回復正常。
