当李亚男遇上...他、她、他
「我嘅行动虽受限制，但我思想同列车同步！」
「无论晴朗定狂风雷暴，我都想提醒市民！」
「你拥有本身嘅能力，请相信自己！」
时而英雄联盟、时而天气报道，时而轨道疾走！
她是陪着病童追梦的「爱跑大使 」---- 李亚男。
「刘醒，你系咪呃紧我啊？」李亚男(Leanne) 于电视剧《老表，你好hea！》的经典金句，一度成网上搞笑热话，更受网民热捧：「李亚男净系凭呢段都应该拿女配角！」事实上，她确曾于其他剧目获最佳女配角提名。今天，卸下2005年国际华裔小姐后冠的光环，这气质美女更耀目的，是懂得感恩的知足、不断学习和分享，不计回报的善心。
四年前成了王祖蓝太太，去年底再「升呢」为人母；囡囡Gabrielle的降临，让俩口子 的爱再推至另一层次。祖蓝与Leanne将囡囡百日宴的所有人情捐赠Lifewire《护．联网》，帮助患上罕见病的小朋友义不容辞；Leanne更身体力行，一口答应任「爱跑大使」，为Lifewire的年度活动【爱跑．城门河】宣传，希望更多人参与，让更多人了解罕见病。
三个病童 三个梦想
初为人母，且工作繁重，但Leanne仍坚持抽空两天，与Lifewire三位病童朱逸朗、陈梓键及谢梓熙 (Sophie) 齐齐拍摄【爱跑．城门河】微电影，齐齐追梦。三位病童，各有不同的身体状况、各有小小的大梦想，各构思出三个故事；关于列车的、关于天文台的，关于拯救世界的……
「Leanne姐姐，你识唔识玩呢啲？」「你知唔知我钟意咩？」「我画呢个靓唔靓？」「不如我改呢句对白！」一起吃饭盒、一起NG、一起唱歌、一起猜「包、剪、揼」……当Leanne遇上三位小导演兼小演员，过程就是笑声、笑声，还是笑声……
经过一连三集的「对手戏」，Leanne完全被他们所感染：「我觉得佢哋系一班好可爱、好活泼、好被爱嘅小朋友，佢哋好有理想、好热情，对生活充满热诚；喺佢哋身上，我见到好强嘅正能量，无论遇到咩困难，佢哋都咁正面。」
自信认真 适当Let go
「Sophie好容易同你倾偈，好容易熟，唔怕陌生嘅。」「朗朗一嚟就话『我要唱红日』，咁就成首歌唱晒出嚟，佢系一啲都唔怕羞嘅。」「梓键好有创新天份，佢画画好叻，佢画火车时画得唔够似，好似有啲懊恼，我觉得佢系一个对自己要求好高嘅小朋友。」
从三位病童身上，Leanne看到了值得学习的地方，就是认真的态度和自信，「见到佢哋好有信心、好有自信企出嚟，好开朗。可以睇得出病童都好似其他小朋友一样，没咩大分别，一样拥有嗰份童真！」
拍摄过程中，部份场地涉及梯级及高台，团队格外紧张搀扶甚或抱起他们，反之家长虽感吃力，但仍从容面对；Leanne不讳言有一番体会：「见到病童家人唔会因为小朋友有特别需要，而过份紧张或者过份呵护，都好Let go (放手)，由得你做，只系默默企起隔篱支持，睇住佢哋行每一歩路。我觉得病童嘅家长都值得我学习，适当时候都要Let go (放手)。」
加深了解 标籤化解
「佢哋有医药费上嘅压力……仲有被歧视、被标籤嘅压力。」短短两天的拍摄相处，Leanne已感受到病童家庭的苦况；她努力演活病童作品之余，亦主动与家长交流，盼加深对罕见病的认识。事实上，罕见疾病有别于普通疾病，医疗费用动辄数百万一年，十分昂贵，非一般家庭能够应付；她希望善心人士能捐款帮助病童家庭，减轻其经济负担。
因为罕见病，他们在行动方面可能有异于他人，外出时可能要面对很多不同的「眼光」。「要化解呢啲标籤，了解系好紧要嘅。所以我希望透过同朗朗、梓键同Sophie嘅合作，令更多人了解罕见病，希望帮佢哋同家人带嚟更多力量、体谅同支持！」
因为罕见病，他们在行动方面可能有异于他人，外出时可能要面对很多不同的「眼光」。「要化解呢啲标籤，了解系好紧要嘅。所以我希望透过同朗朗、梓键同Sophie嘅合作，令更多人了解罕见病，希望帮佢哋同家人带嚟更多力量、体谅同支持！」
她 跌落凡间的天使
幸福不是必然、健康也非必然；初为人母的Leanne，跟病童家庭相处过后，体会自是更深。事实上，Leanne随心而发的，不仅是那股幸福的气场，还有发自内心的珍惜、知足与感恩。「上帝畀我嘅礼物，没谂过有一个咁美好嘅家庭，包括爸爸、妈妈、妹妹，大家都好好，没乜特别拗撬，好和谐，我希望可以一路咁样落去，到老都系咁。」
上天赠Leanne的礼物，确可让她如数家珍，惟最令她着迷的，还是上天赐予的小天使！囡囡Gabrielle可瞬间令妈妈化身小粉丝，随时随地和大家分享偶像「肉照」，还不禁狂loop「佢好得意㗎！」这位知足妈妈自言「我系一个都几简单嘅人，即系我都几容易开心嘅。囡囡系祖蓝首歌咁《跌落凡间的天使》，而老公就系上帝赐畀我嘅礼物。」
幸福心法 分享学习
不断学习和分享，是Leanne和祖蓝留住幸福的心法！「我哋要学习点样将自己有嘅嘢，分享畀其他人，呢样嘢我哋要学习。」这不仅是她和祖蓝二人的人生课题，也期望Gabrielle将来可跟他们一起做义工，分享爱，「令佢知道原来自己系身处一个好幸福嘅家庭，好幸福嘅环境，要佢学习好多嘢都唔系咁容易得到嘅，要学习share (分享)，学习点样对人。」「而家喺屋企玩得比较多嘅系囡囡啦，佢系我哋嘅玩具。讲笑！」Leanne笑言，囡囡是夫妻俩的精神食粮；「返到屋企第一时间就系洗手跟住同佢玩小游戏，扮动物叫…等，跟住就会影低佢！佢有时都好好笑嘅，影低等我哋出去或者工作嘅时间就系咁睇嗰啲片，系我哋嘅精神粮食。系好紧要嘅！」
暂弃梦想 全职凑女
那小公主有否遗传了父母的演艺基因？「其实佢有啲Cool嘅！佢几似我哋两个细个，都系比较文静啲，唔系话好活跃，成日都唔笑嘅。我哋要扮鬼扮马，真系要用好大嘅努力，佢先会笑两下『哈哈』，跟住就收返，都几吃力嘅！」
若囡囡将来对演艺圈感兴趣，Leanne表示不会阻止。「我哋唔会限制佢一定要学几多样嘢，或一定要成绩点点点；重要系佢可以发挥自己钟意嘅嘢！」Leanne不讳言，现时大部份时间主要是照顾囡囡，不会全职工作，「等佢大个咗，唔需要我睇到佢实一实，先去谂再追求自己嘅梦想…」
「老公话一系生两个，一系四个，一系六个啰，就唔可以三个，因为中间嗰个会被忽略；咁我谂就两个先啦，唔好生个足球队住。」Leanne坦言没特别期望，只盼囡囡健康成长，做个快乐BB，但不会纵容，「教佢道德上嘅嘢紧要过学歷上嘅，点样对人呀，点样学习share，甚至会教佢点样做家务；即系唔可以咩都唔做！」
那小公主有否遗传了父母的演艺基因？「其实佢有啲Cool嘅！佢几似我哋两个细个，都系比较文静啲，唔系话好活跃，成日都唔笑嘅。我哋要扮鬼扮马，真系要用好大嘅努力，佢先会笑两下『哈哈』，跟住就收返，都几吃力嘅！」
若囡囡将来对演艺圈感兴趣，Leanne表示不会阻止。「我哋唔会限制佢一定要学几多样嘢，或一定要成绩点点点；重要系佢可以发挥自己钟意嘅嘢！」Leanne不讳言，现时大部份时间主要是照顾囡囡，不会全职工作，「等佢大个咗，唔需要我睇到佢实一实，先去谂再追求自己嘅梦想…」
「老公话一系生两个，一系四个，一系六个啰，就唔可以三个，因为中间嗰个会被忽略；咁我谂就两个先啦，唔好生个足球队住。」Leanne坦言没特别期望，只盼囡囡健康成长，做个快乐BB，但不会纵容，「教佢道德上嘅嘢紧要过学歷上嘅，点样对人呀，点样学习share，甚至会教佢点样做家务；即系唔可以咩都唔做！」
新婚体会 不再遥距
虽然忙凑B，但俩口子没忘初心；常制造甜密回忆，「几忙都一定抽时间拍拖；每年结婚周年会特别安排庆祝或出埠，我唔会忘记特别日子。」祖蓝亦会费尽心思，「佢都经常凼我开心㗎！例如追我时带我去过我唔识嘅地方，要转蓝色的士上山嘅，拍拖10周年佢就带我重游拍拖旧地，上次蒙住眼去，今次佢话要我大开眼界，睇下自己究竟去咗边。其实佢有好多好浪漫嘅计仔嘅！bb出世佢都唔会忽略我，令到我都好放心，即系可以放心生多几个！」
提起袓蓝，Leanne总是笑不拢嘴，但回想新婚时刻，有甜，也有苦。「新婚后佢因为要拍戏，所以走咗好长一段时间。」她还因而情绪低落，「我哋发觉原来唔可以离开太耐。」此后，二人取得共识，尽量接香港工作，缩短离港时间，「或佢嚟探我、我去探佢，大家配合啦！」
相遇、相爱，相处，一点也不易。他俩经歷过多年离离合合，故对这段感情特别珍惜。「好多夫妻因好少事嗌交，跟住就伤害对方嘅感情。我哋会让下对方，好少为一小事唔开心，唔会乱发脾气。」
「夜晚有时间会多啲倾偈，多啲分享大家出面遇到嘅嘢，或者困难，同埋我哋习惯一齐祷告。」除互相磨合和迁就，Leanne以「坦诚交流」总结夫妻相处之道。
撰文及採访：张家乐、叶敏仪、梁剑红
编辑：梁剑红
摄影：Sam Kwok 、Sea.Pho.Yea
